கொலம்பியா பெண்களின் 'செக்ஸ்' ஸ்டிரைக்...அதிர்ச்சியில் ஆண்கள்!.

கொலம்பியாவில் பெண்கள் நூதனமான போராட்டத்தில் குதித்துள்ளனர். அதாவது அங்குள்ள சாலைகளை
மேம்படுத்தும் வரை செக்ஸ் உறவைத் தவிர்க்கும் ஸ்டிரைக் போராட்டத்தை அறிவித்துள்ளனர். இதனால்
ஆண்கள் வெலவெலத்துப் போயுள்ளனராம். கொலம்பியாவின் பர்பகாஸ் என்ற இடத்தில்தான் இந்த நூதன
ஸ்டிரைக் நடந்து வருகிறது.

அங்குள்ள சாலைகள் படு மோசமாக இருப்பதாகவும், அதை சரி செய்ய யாருமே நடவடிக்கை
எடுப்பதில்லை என்றும் இதனால்தான் இந்த ஸ்டிரைக்கை ஆரம்பித்துள்ளதாகவும் கூறியுள்ளனர்
பர்பகாஸ் பெண்கள். கிராஸ்ட் லெக்ஸ் மூவ்மென்ட் என்ற பெயரில் இந்தப் போராட்டம் நடத்தப்படுகிறது.
கடந்த 2 வருடங்களில் 2வது முறையாக இப்படி ஒரு செக்ஸ் ஸ்டிரைக்கை கொலம்பிய பெண்கள்
நடத்துகின்றனர்.

தங்களது பகுதியில் சாலைகளை மேம்படுத்த வேண்டும்,சேதமடைந்த சாலைகளுக்குப் பதில் புதிய
சாலைகள் போட வேண்டும். அதுவரை செக்ஸ் கிடையாது என்று இந்தப் பெண்கள் அறிவித்துள்ளனர்.
இப்பகுதியில் உள்ள சாலைகள் நாட்டின் இதர பகுதிகளை இணைக்கக் கூடிய வகையில் உள்ளது. படு
மோசமான இந்த சாலைகளில் பயணிப்பது பெரும் நரகமாகவும் இருக்கிறதாம்.

மேலும் அருகில் உள்ள மருத்துவமனைக்கோ அல்லது வேறு எங்குமோ செல்ல வேண்டுமானால் 14 மணி
நேரம் பிடிக்கிறதாம். பெண்களின் இந்தப் போராட்டத்தால் ஆண்கள் டென்ஷனாகியுள்ளனர். சாலைகளைச்
சீர் செய்யுமாறு அதிகாரிகளை அவர்கள் கேட்டு்க கொண்டுள்ளனர். அதிகாரிகளும் நிலைமையின்
அவசரத்தை உணர்ந்து சாலைகளை சீரமைப்பதாக உறுதியளித்துள்ளனர்....!